Home / Gwamnati / Buhari ya yi kitso da kwarkwata wajen naɗa Sakataren Gwamnati

Buhari ya yi kitso da kwarkwata wajen naɗa Sakataren Gwamnati

Shugaba Muhammadu Buhari ya sake naɗa Injiniya Boss Mustapha a matsayin Sakataren Gwamnatin Tarayya, SGF da Abba Kyari a matsayin Shugaban Ma’aikatan Fadar Shugaban Ƙasa, CoS.

Garba Shehu, mai magana da yawun Shugaban Ƙasa ya bayyana haka a shafinsa na Twitter ranar Juma’ar nan.

A cewar Mista Shehu, dukkan naɗe-naɗen sun fara aiki ne tun ranar 29 ga Mayu, 2019.

Haka kuma, Shugaban ya naɗa wasu mataimakansa na musamman har 11 da suka haɗa da:

  1. Mohammed Sarki Abba –Babban Mataimaki na Musamman ga Shugaban Ƙasa Kan Harkokin Gida da Taruka
  2. Ya’u Shehu Darazo – Babban Mataimaki na Musamman ga Shugaban (Ayyuka na Musamman)
  3. Dokta Suhayb Sanusi Rafindadi – Likitan Shugaban Ƙasa
  4. Ambasada Lawal A. Kazaure – Babban Jami’in Tsare-tsare na Fadar Shugaban Ƙasa
  5. Sabiu Yusuf – Mataimaki na Musamman (Ofishin Shugaban Ƙasa)
  6. Saley Yuguda – Mataimaki na Musamman (Kula da Gida)
  7. Ahmed Muhammed Mayo – Mataimaki na Musamman (Kuɗaɗe da Gudanarwa)
  8. Mohammed Hamisu Sani –Mataimaki na Musamman (Ayyuka na Musamman)
  9. Friday Bethel – Mataimaki na Musamman (General Duties)
  10. Sunday Aghaeze – Mataimaki na Musamman(Mai Ɗaukar Hoto na Fadar Gwamnati)
  11. Bayo Omoboriowo Mataimaki na Musamman (Mai Ɗaukar Hoton Shugaban Ƙasa)

Yawancin waɗanda suke a wannan jerin sunaye na baya-bayan nan dai sun yi aiki da Shugaban a wa’adin mulkinsa na farko.

About Hassan Hamza

Check Also

Ni da Obasanjo mu ka kuɓutar da ɗaliban babbar kwalejin gandun daji ta Afaka – Sheikh Gumi

Fitaccen malami Sheikh Ahmad Gumi, ya bayyana rawar da shi da Tsohon Shugaban Kasa, Olusegun …

Leave a Reply

Your email address will not be published. Required fields are marked *