Ƴan Sandan Sun Bankaɗo Wata Masana’antar Sayar Da Jarirai A Lagos

32

Jami’an rundunar ƴan sanda a birnin Lagos sun sanar da kubutar da wasu ƴan mata 19 ɗauke da ciki a wani gida da ake sayar da jarirai da ke unguwar Ikotun, inda suka kama mutane 2 da ake zargin suna da hannu wajen ajiyesu.


Mai Magana da yawun rundunar Bala Elkana ya shaidawa manema labarai cewar DPO’n da ke kula da tashar ‘yan Sandan Isheri-Osun, Chike Ibe ne ya jagoranci aikin bankado gidan, in da aka samu ƴan matan dauke da juna biyu.


Sanarwar ƴan sandan ta ce ƴan matan da suka fito daga Jihohin Rivers da Cross River da Akwa Ibom da Anambra da Abia da kuma Imo sun yi zargin cewar ana kama su ne a yi musu fyade, kuma idan sun samu ciki, sai a tsare su har sai sun haihu domin a sayar da jariran.


A ƙarshe regards jami’an ƴan sandan ta ce yanzu haka tana tsare da Happiness Ukwuoma da Sharifat Ipeya da ake zargin suna kula da gidan, yayin da shugabar su Madam Oluchi ta yi ɓatan dabo.

Turawa Abokai

RUBUTA AMSA

Rubuta ra'ayinka
Rubuta Sunanka a nan