Home / Gwamnati / Majalisar Dokokin Kano Ta Tantance Dukkan Kwamishinonin Ganduje

Majalisar Dokokin Kano Ta Tantance Dukkan Kwamishinonin Ganduje

Majalisar Dokokin Jihar Kano ta tantance tare da tabbatar da sunayen kwamishinoni 20 da Gwamna Abdullahi Umar Ganduje ya tura mata sunayensu.

Majalisar ta tantance kwamishinonin ne bisa jagorancin Kakakinta, Abdulazeez Garba-Gafasa.

An kuma shafe kimanin sa’o’i uku ana tantancewar.

Wasu daga cikin waɗanda aka miƙa sunayen nasu, waɗanda a lokutan baya ‘yan majalisa ne, an ba su ‘yan mintuna kaɗan ne don su yi bayanin nasarorinsu.

Idan dai ba a manta ba, a ranar Litinin ne Kakakin Majalisar ya sanar da karɓar sunayen kwamishinonin daga gwamna, takwas daga cikinsu tsaffin kwamishinoninsa ne.

Daga cikin waɗanda suka yi aiki a gwamnatin da ta gabata da akwai tsohon Kwamishinan Yaɗa Labarai, Muhammad Garba da na Ƙananan Hukumomi, Murtala Sule-Garo.

Sauran su ne Ibrahim Mukhtar, Musa Iliyasu-Kwankwaso, Kabiru Ibrahim-Getso, Shehu Na’Allah-Kura, Mukhtar Ishak-Yakasai da Muhammed Tahir-Adam.

Sabbi su ne Ma’azu Magaji, Nura Muhammad-Dankade, Zahra’u Umar-Muhammad, Aminu Ibrahim-Tsanyawa, Sadiq Aminu-Wali, Muhammad Baffa-Takai da Kabiru Ado-Lakwaya.

Sauran su ne Mariya Mahmoud-Bunkure, Ibrahim Ahmad-Karaye, Mahmoud Muhammad-Dansantsi, Muhammad Sanusi-Sa’id da Lawan Abdullahi-Musa.

About Hassan Hamza

Check Also

Micheal Taiwo Akinkunmi: Mutumin da ya zana tutar Najeriya ya cika shekaru 85 da haihuwa

A yau Litinin 10 ga watan Mayun shekarar 2021 mutumin nan da ya zama tutar …

Leave a Reply

Your email address will not be published. Required fields are marked *