Home / Labarai / Za A Iya Cajin Wayar Hannu Da Jikin Dan Adam – Bincike

Za A Iya Cajin Wayar Hannu Da Jikin Dan Adam – Bincike

Nan da shekaru kadan masu zuwa, za’a fara cajin wayoyin hannu da yatsun mutane. Taron masana bincike kimiyyar fasaha na jami’ar jihar Michigan, sun gano wata hanya da mutane zasu dinga amfani da tafin hannun su, wajen samar da wuta ga wayoyin hannu.

Jaridar “Nano Energy” ta ruwaito cewar, masanan sun kirkiri wani sinadari, da zai dinga amfani da motsin jikin mutun, a duk lokacin da mutun yayi motsi, wannan dan karamin mashin din, zai dinga jawo wuta daga cikin jikin mutun.

Haka zai bama wayar hannun caji cikin sauki, babu bukatar mutun sai ya saka wayar shi a caji na tsawon lokaci. Shi dai mashin din da suka kirkira kuma suka kirashi da suna “Nanogenerator” a turance, za’a iya amfani da shi a wayoyin zamani na hannu, da abun rubutu na kwamfuta “Keyboard” duk batare da sunyi amfani da batiri ba.

Shugaban binciken Farfesa Nelson Sepulveda, ya bayyanar da cewar, nan bada jimawa ba, har yaga mutane na amfani da wayoyin su a kowane hali, batare da bukatar ajiye wayoyin don caji ba. Haka wannan mashin din bashi da nauyi, wanda mutun zai iya sarrafashi wajen ajiya, kana bashi da tsada.

About Buhari Abba Rano

Buhari Abba Rano is a Skilled and News-Oriented Journalist With a Vision to Provide Fair, Fresh, Prompt and Truthful News.

Check Also

Wasiyyar da marigayi tsohon shugaban ƙasa Umaru Musa Yar’adua ya barwa ƴan siyasar Najeriya

A yau Laraba 5 ga watan Mayun shekarar 2021 tsohon shugaban Najeriya Malam Umaru Musa …

Leave a Reply

Your email address will not be published. Required fields are marked *