Home / Labarai / El Rufa’i Ya Gama Mulki A Duniya Har Abada – Limamin Coci

El Rufa’i Ya Gama Mulki A Duniya Har Abada – Limamin Coci

Babban Limamin Darikar Angilikan na Mabiya addinin Kirista da ke Garin Zariya, Abiodun Ogunyemi, ya sake yin magana game da Mai girma gwamnan jihar Kaduna, Nasir El-Rufai.

Limamin Kiristocin ya bayyana cewa babu yadda za ayi Gwamna Nasir El-Rufai ya zama shugaban kasa a Najeriya.

A cewar Limamin Cocin Ubangiji ne ya nuna masa wannan ba kowa ba. Da ‘Yan jarida su ka tambayi Abiodun Ogunyemi, a kan abin da ya sa ya ke bada tabbacin El-Rufai ba zai yi mulki ba sai ya ce: “Ba daga ni bane, na ba ku misalai, kuma su na nan da yawa.”

Lokacin da, na fito na ce Goodluck Jonathan ne matsalar Najeriya kuma ba zai kai labari ba. Ba ni ba ne, Ubangiji ne ya fada mani.” Don haka wannan Malami ya ja hankalin Nasir El-Rufai ya hakura da batun neman shugaban kasa.

Ogunyemi ya ce ya taba fadawa Mabiyansa Abiola ba zai yi mulki ba, kuma haka aka yi

“Idan aka nada ka Bishof, ofishinsa na dauke da aikin Malanta da kuma karamomi. Ban san sauran Limamai ba, amma ni tun da na zama Bishof, Ubangiji ya kan yu mani magana.”

Limamin Cocin ya na kuka ne a kan wani tsohon coci da ya haura shekaru 110 a Zariya da gwamnatin Kaduna ta ke shirin ruguzawa kadarorinsa. “Shi ne coci na biyu da ya fi tsufa a yankin Arewa.” “Ya ce ba zai rusa cocin ba, amma zai taba filin cocin. Shi ya sa na fito na yi magana.

Gwamna bai da damar taba dukiyarmu. Zai iya zuwa Garin Kaduna ya taba babban Masallacin Musulmi?” Babban Limamin ya ce an gama magana kan takardun filin cocin tun zamani gwamnatin baya.

“Kashim Ibrahim ya fara ba mu takardun fili. Ya saurari fushin Allah idan ya taba cocin.” inji Limamin Cocin.

About Buhari Abba Rano

Buhari Abba Rano is a Skilled and News-Oriented Journalist With a Vision to Provide Fair, Fresh, Prompt and Truthful News.

Check Also

Wasiyyar da marigayi tsohon shugaban ƙasa Umaru Musa Yar’adua ya barwa ƴan siyasar Najeriya

A yau Laraba 5 ga watan Mayun shekarar 2021 tsohon shugaban Najeriya Malam Umaru Musa …

One comment

Leave a Reply

Your email address will not be published. Required fields are marked *