Home / Labarai / Sanyi Zai Ƙaru A Arewacin Ƙasar Nan – NIMET

Sanyi Zai Ƙaru A Arewacin Ƙasar Nan – NIMET

Hukumar binciken yanayi a Nijeriya NIMET ta ce akwai yiwuwar sanyin da ake fuskanta a kasar zai karu nan gaba cikin ‘yan kwanaki masu zuwa.

Farfesa Sani Abubakar Mashi, Daraktan Hukumar binciken yanayi ta Najeriya, wato NIMET ne ya shaida wa BBC hakan.

Farfesa ya ce sanyin da ake samu a Nijeriya ya karu ne saboda gudun iskar da ke tasowa daga arewa maso gabas mai kunshe da laima ya karu inda a wasu lokuta har takan kai gudun kilomita 100 cikin sa’a d’aya.

Al’umma da dama ne a kasashen Afirka ta Yamma musamman Najeriya ke kokawa saboda karuwar sanyi a bana.

Ko me ‘yan Najeriya ke cewa game da sanyin?


‘Yan Najeriya da dama na fadin irin halin da suke ciki dangane da yanayin sanyin da ake yi a Arewacin Najeriya a bana.

Wasu dai na cewa ba sa iya fita daga gida zuwa wajen sana’o’insu na yau da kullum, inda wasu kuma ke cewa ba ma sa iya yin wanka.

Sanyin na wannan shekarar ya zo da bazata kasancewar har wuraren da a baya ba su san sanyin ba sosai yanzu sun sani.

A baya dai ba kasafai birnin Abuja na Najeriya ke fuskantar irin wannan sanyi ba, amma a bana al’amarin ba haka yake ba.

Rahoton BBC Hausa

About Buhari Abba Rano

Buhari Abba Rano is a Skilled and News-Oriented Journalist With a Vision to Provide Fair, Fresh, Prompt and Truthful News.

Check Also

Wasiyyar da marigayi tsohon shugaban ƙasa Umaru Musa Yar’adua ya barwa ƴan siyasar Najeriya

A yau Laraba 5 ga watan Mayun shekarar 2021 tsohon shugaban Najeriya Malam Umaru Musa …

Leave a Reply

Your email address will not be published. Required fields are marked *