Me Ka Sani Game Da Dokar Hana Shigo Da Janareto Cikin Ƙasar Nan?

86

A jiya ne Majalisar Wakilai kasar nan ta gabatar da kudurin wata doka wacce za ta hana amfani da kuma sayar da janareta a duk fadin kasar nan.

Sanata Muhammad Enagi Bima na jihar Niger ne ya mika kudurin dokar, wanda ya ce manufar dokar ita ce a taimaka wajen bunkasa fannin wutar lantarki a fadin kasar nan.

A yanzu dai kudurin dokar ya samu wuce karatu na daya.

Ya kuma kara da cewa akwai bukatar a kawo karshen illolin da amfani da janareta ke janyowa ga rayuwar al’umma da kuma muhalli.

Dokar dai ba za ta shafi wasu wurare ba, kamar asibitoci da filin jiragen sama da na kasa, da dai duk wani wurin da al’umma ke yawan zuwa mai bukatar wuta sosai.

Dokar za ta kuma bada izinin a rufe duk wanda ya shigo da janareta cikin kasar nan ko kuma ya sayar da shi.

Za a rufe duk wanda aka kama da wannan laifin a gidan yari na tsawon shekara 10.

Tuni dai lamarin ya fara janyo ce-ce ku-ce kan shafukan sada zumunta duba da yadda ake yawaita amfani da janareta a Najeriyar wacce ta yi shekara da shekaru tana fama da rashin ingantacciyar wutar lantarki.

Turawa Abokai

RUBUTA AMSA

Rubuta ra'ayinka
Rubuta Sunanka a nan