Ya Kamata mu Faɗawa kan mu Gaskiya Zamanin Ƙaƙaba ‘yan Takara ya Wuce a APC – Kawu Sumaila

214

Tsohon ɗan majalisa mai wakiltar Sumaila da Takai a majalisar tarayya Nijeriya kuma hadimin Shugaban Ƙasa kan harkokin majalisa, Abdurrahman Kawu Sumaila, ya bayyana cewa zamanin ƙaƙaba ‘yan takara a siyasar Nijeriya ya wuce.



Kawu Sumaila ya kuma baiyana cewa ya kamata jam’iya mai mulki, APC ta ɗauki darasi a kan zaɓen gwamna na Anambra, inda ɗan takarar jam’iyar APGA, Charles Soludo ya lashe zaɓen.



Kawu Sumaila ya yi wannan kira ne a wani saƙo da ya wallafa a shafinsa na Facebook da harshen turanci inda Labarai24 ta fassara a yau Asabar.

Rubutun kawu Sumaila cikin harshen turanci



A saƙon da ya wallafa, tsohon wakilin Takai da Sumaila a majalisar wakilai ta tarayya ya ce shi bai damu da zaɓen fidda gwani na ‘yar tinƙe ko akasin hakan a APC.



“Ni ban damu da zaɓen fidda gwani na ‘yar tinƙe ko akasin hakan a APC ba, amma dai, ya kamata mu faɗawa kan mu gaskiya zamanin ƙaƙaba ‘yan takara ya wuce. Zaɓen Anambra dai ya kamata ya zame mana izina,” in ji Kawu Sumaila

Turawa Abokai

RUBUTA AMSA

Rubuta ra'ayinka
Rubuta Sunanka a nan