Home / Labarai / KAROTA Za Ta Rage Yawan Baburan A Daidaita Sahu A Kano

KAROTA Za Ta Rage Yawan Baburan A Daidaita Sahu A Kano

Hukumar Kula da Zirga-Zirgar Ababen Hawa ta Jihar Kano, KAROTA, ta sanar da shirinta na rage yawan baburan A Daidaita Sahu a Kano.

Majiyarmu ta ruwaito cewa Manajan Darkatan KAROTA, Bappa Babba Dan-Agundi, ya bayyana hak ranar Litinin yayin kare kasafin kuɗin hukumar a zauren Majalisar Dokokin Jihar Kano.

Mista Dan-Agundi ya ce KAROTA za ta shigo da wani sabon tsarin yin rijista wanda zai rage yawan baburan masu ƙafa uku na A Daidaita Sahu daga 500,000 zuwa 200,000.

Ya kuma ce KAROTA za ta kafa na’urar tsaro a kan baburan A Daidaita Sahu masu rijista a dukkan faɗin jihar Kano.

“Matakin fara kafa na’urorin a kan baburan masu ƙafa uku ya biyo matakin da gwamnatin jihar ta yanke na ƙyale direbobin baburan su ji gaba da sana’arsu.

“Saboda haka, ya zama wajibi a gare mu mu fara kafa na’urorin, waɗanda ke da manufar kula da ayyukansu a dukkan faɗin jihar”, in ji shi.

Ya ƙara da cewa KAROTA tana son samun kuɗin shiga N6000,000,000 a shekarar 2020 ta hanyar yin rijista da karɓar tara daga hannun masu karya dokar tuƙi.

Mista Dan-Agundi ya ce KAROTA za ta shigo da aikin gayya a matsayin hukunci ga masu take dokokin tuƙi, saboda manufarta ba shi ne tara kuɗin shiga ba.

About Hassan Hamza

Check Also

Wasiyyar da marigayi tsohon shugaban ƙasa Umaru Musa Yar’adua ya barwa ƴan siyasar Najeriya

A yau Laraba 5 ga watan Mayun shekarar 2021 tsohon shugaban Najeriya Malam Umaru Musa …

Leave a Reply

Your email address will not be published. Required fields are marked *